O nami

Našlo se j’ par nas infišaneh ki misle da čakavski ne mora va zemju propast kad pride moderno vreme, Internet i mobiteli. Zač ne bimo i mi bili „na mreže“ kad je na njoj vas svet?

Ovo je mesto kade je „ča“ pobegal z škabelina, kamo smo ga si skupa, ki više, ki manje, zaprli i pozabili. Naš škabelin je sad otprt, naš lepi „ča“ je tu.. Ćakulal bi rada z nami i z vami, jušto kot ča je užal pred 100 let, puno pre nas. Danaska je z nami da skupa z našemi ćakulami va otprten Škabeline pričeka još 100 let i da ž njin, kad mi partimo, govore naša dečina.

Saki dan ćemo otpret jedan mići škabelinčić va našen Škabeline i pustit ž njega domaću besedu. Za one ki bi se rada navadili ku po našu, ćemo se to prehitit i na književni hrvatski.

Ako ku besedu falimo, ne zamerite. Špjegajte  nan kade smo zafraškali i kako se reče. Za seh ki bi rada ča sami napisali al snimili po domaću, naš je Škabelin vavek otprt, a si ste dobro prišli.