Veganski kantunić

Udruga za kulturu „Ča?“ se spametila novega projekta veganskega jila pa ga j’ nazvala „Veganski kantunić“. Ovisti kantunić, kega morete nać na internete, pokažuje se prednosti veganstva i sirove hrani, a skupa s ten čuva i naš lepi domaći zajik.

Autorica Veganskega kantunića, Tatjana Udović, govori da j’ sirova hrana kade se najveć ji zeleno, i hrana va koj ni industrijskeh proizvodi, va čuda zemjah na svete čarobna formula od mladosti, lepega izgleda, zdravega i krepkega tela i dugega živjenja.

Zato j’ Tatjana storila Facebook stranicu „Veganski kantunić“, i Youtube kanal na ken objavjuje videa z veganski recepti, a se ča piše, napisano je na čakavsken. Facebook stranica i Youtube kanal su dobro posjećeni, imaju fanj pratiteji, oneh ki vole i štimaju veganstvo,

Tako hote na Facebook stranicu „Veganski kantunić“ i pogjedajte sami ča j’ nutre: https://www.facebook.com/Veganski- kantuni%C4%87- 101496207876540/?modal=admin_todo_tour

Youtube kanal: https://www.youtube.com/channel/UC_NDKpHQVRPSQC1a5NC1ysA?view_as=subscriber