Mića škola od delanja brodi

Kako je nekad zgjedal život pul mora? Koliko je rabilo delafcon da store jedan brod? Zač je tradicija važan del judskega živjenja?
Odgovori na ovista, ma i druga pitanja morete doznat na delaonice kako ni na dugo – „StolArt – Mića škola brodogradnje“.
Delaonica dura pet dni, na Obale hrvackeh branitej va Selce, saki dan od 8. do 12.7. va dva termina: prepolne od 9 do 13 ur i zapolne od 17 do 20 ur. Va delaonicu moru prit deca od 9 do 14 let.

Deca će videt i doživet kako nastane brod, delat će u orujen kakovo su judi imeli nekada,  a videt će da i sami moru neš storit. 
Prvi  dan će djeca čut neš o hrvackoj tradicionalnoj brodogradnje i ča j’ značila kroz povjest. Va praktičnen dele će navadit od keh je deli storen brod, a onda ti deli delat po nacrten.  
Drugi dan sklapaju ti deli va konstrukciju i pripremaju ga za farbanje, a treti dan je zaštita i farbanje broda.  Četrti dan se montiraju  jedra, špagi i drugo ča rabi na brode bit.  Zadnji dan će mići  brodograditelji  svoju „Selaškinju“ svečano porinut va more. 

Prijave na ovu besplatnu delaonicu duraju  do 6. 7. na info@tzg-crikvenice.hr ili va turističko-informativneh centreh va Crikvenice, Dramlje, Jadranove i Selce.

Organizator:
Turistička zajednica Grada Crikvenice i „StolArt“
Suorganizatori:
Jedriličarski klub „Jadro“ Selce i Jedriličarsko društvo „Val“ Crikvenica
Pokrovitelji:
su Grad Crikvenica, „Eko-Murvica“ d.o.o. i Županijska lučka uprava
Crikvenica