Zeleni Kastav i po dažje dela

Samanj zdrave hrani

Zeleni Kastav gre daje, samanj je dobro pasal, a danaska je tema zdravje, i to žensko. Dr. Klaudia Benić Salamon će na 5 ur va Gradskoj vijećnice povedat o spolneh bolesti, a na 6 ur će na isten meste dr. Svjetlana Gašparović Babić imet predavanje i radionicu samopregleda “Prevencija i rano otkrivanje raka dojke”.

Ma se neće samo o boli govorit. Delat će se i prirodna kozmetika, o koj će govorit i kako se dela pokaževat dipl.ing. med. biokemije Višnja Rački Čargonja. Radionica je na 7 ur isto va Gradskoj vijećnice.

Za takovu kozmetiku rabe ulja i hidrolati, pa će ih dat OPG Jadranka Vučemilović z Opatije, Obrt za uzgoj maslina “Magran” z Puli i još na kraje ekološka uljara “Pannonian Grain” z Osijeka, ča bi reć da Zeleni Kastav širi glas po celoj Hrvackoj.

Kemu za poć va Kastav daš ne smeta, more jutra prit na predavanje i radionicu “Samo zdravo” dr. Silvije Zec Sambol i prof. Sandre Kolonić. Predavanje je na 6 ur zapolne va – Gradskoj vijećnice.

Petak se nastavja “Tjedan zdravlja” na istemu mestu, pod krovon, a će se govorit od mentalnega zdravja ko nan va novejo vreme malo šepa. Bit će Na 6 ur zapolne je radionica Nataše Jelinić Herega domaćega naziva “Mindfulness”, a na 7 predavanje „Ovisnost o internetu i društvenim mrežama” ko će držat dr. Tomislav Lesica. Prof. Ines Jakovčić će skupa s ten prezentirat kako dela Savjetovalište za djecu, mlade, brak i obitelj Grada Kastva.

I za kraj, sobotu je “Dan od hoda”. Hodit će se po šume Loza i Crekvine, a ako opet pade taj vražji daš, će se poć va dvoranu “Vidikovac” va Kastve pa će bit nekakove sportske radionice i igre. Program hoda al sporta će vodit Ema Harej Čargonja.

Odgovori

Vaša adresa e-pošte neće biti objavljena. Obavezna polja su označena sa *